काठमाण्डू, काठमाडौँको बबरमहलमा बुधबार दिउँसो विद्युत प्राधिकरणले भूमिगत विद्युतीकरणको काम गर्ने क्रममा फुटेको मेलम्ची खानेपानी आयोजनाको पाइप मर्मतको काम सुरु भएको छ।
मर्मतको काम बुधबारबाटै सुरु भएको काठमाडौँ उपत्यका खानेपानी लिमिटेडले जनाएको छ। पाइप फुट्दा बुधबार दिउँसो बबरमहल क्षेत्र डुबानमा परेको थियो।
प्राधिकरणले ड्रिलिङको काम गर्दा पाइप फुटेको थियो। पाइप फुटेपछि करिब ४ घण्टासम्म पानी बग्दा बबरमहल क्षेत्र नै डुबानमा परेको थियो।
डुबानका कारण त्यहाँ रहेका विभिन्न सरकारी कार्यालय तथा व्यक्तिका घरहरूमा क्षति पुगेको छ।
