काठमाण्डू, स्वास्थ्यमा समस्या भएपछि प्रधानमन्त्री केपी ओलीका बुधवारका सबै कार्यक्रम रद्द भएका छन्।
चिसोका कारण घाँटीमा समस्या आएर स्वर भासिएको प्रधानमन्त्रीको सचिवालयले जनाएको छ। बुधवार प्रधानमन्त्री ओली सशस्त्री प्रहरीको कार्यक्रमका लागि हलचोक जाने तय भएको थियो।
२४औँ सशस्त्र प्रहरी दिवसको कार्यक्रम स्थगित गरी प्रधानमन्त्री ओलीले आराम गरेको सचिवालयको भनाइ छ। बुधवारका लागि तय गरिएका भेटघाटका कार्यक्रम समेत रद्द गरिएका छन्।