काठमाण्डू, त्रिभुवन विमानस्थलबाट झापाको भद्रपुरका लागि उडेको बुद्ध एअरको विमानमा प्राविधिक समस्या देखिएपछि काठमाडौँ ‘डाइभर्ट’ गरिएको छ।
भद्रपुरका लागि उडान गरे लगत्तै विमानको दायाँ इन्जिनमा समस्या देखिएको थियो। उडान नं ९५३ को कलसाइन नाइनएन(एजेएस विमान आधाबाटो बाटै फर्किएको हो।
विमानस्थल स्रोतकाअनुसार बिहान १०: ३८ मा काठमाडौंबाट उडेको थियो। आधा बाटोमा पुगिसकेको विमानको दायाँ इन्जिनमा समस्या देखिएपछि ११स्१५ बजे त्रिभुवन विमानस्थलमा ‘डाइभर्ट’ गरिएको हो।
सोहीकारण केहीबेर आन्तरिक तथा बाह्य विमानलाई होल्ड गराउनु परेको थियो।
केही समय समस्या भएपनि यात्रुलाई अब अर्को विमानमार्फत सुरक्षित रुपमा भद्रपुर पठाउने तयारी गरिएको विमानस्थल स्रोतले बताएको छ।