एजेन्सी, इजरायली सेनाले लेबनानको राजधानी बेरूतमा भीषण आक्रमण गरेको छ ।
दहियाहस्थित हिजबुल्लाहको पूर्वाधारसहित धेरै हतियार निर्माण स्थलमा आक्रमण गरेको इजरायली सेनाले जनाएको छ ।
बेरूतको दक्षिणी उपनगर दहियाहलाई हिजबुल्लाहको गढ मानिन्छ ।
इजरायली सेनाले भन्यो, ‘आक्रमण हुनुअघि सर्वसाधारणलाई हुने क्षतिको जोखिम न्यूनीकरण गर्न धेरै कदम चालिएको थियो ।
यसमा सटीक हतियारहरू प्रयोग गरिएको र हवाई निगरानी गरिएको क्षेत्रमा सर्वसाधारणलाई चेतावनी जारी गर्ने समावेश छ ।’
को हुन् हिजबुल्लाह प्रमुख हसन नसरल्लाह ?
लेबनानको स्वास्थ्य मन्त्रालयले लेबनानमा इजरायलको पछिल्लो हवाई हमलामा ९५ जनाको मृत्यु भएको र १७२ जना घाइते भएको जनाएको छ ।
अधिकारीहरूका अनुसार लेबनानमा विगत दुई हप्तामा १,००० भन्दा बढी व्यक्तिको मृत्यु भएको छ भने लाखौं विस्थापित भएका छन् ।