काठमाण्डू, ट्रिनिटि मार्केटिङ एण्ड ईभेन्ट म्यानेजमेन्ट प्रालिले आयोजना गरेको तीज मेला—२०८१ सम्पन्न भएको छ ।
ललितपुरको सातदोवाटोमा रहेको बेरी बैक्वेट एण्ड ईभेन्टमा भएको कार्यक्रममा प्रमुख प्रायोजक निभिया रहेको थियो ।
तीज मेलामा मोगु मोगु जुस, क्याष्ट्रोल लुब्रिकेन्टस, गडेस जोन, किवानिज क्लब अफ मेरिगोल्ड, किवानिज क्लब अफ धौलागिरि, लायन्स क्लब अफ काठमाण्डौ पाटन सनराईजले सहयोग गरेका थिए ।
मिडिया पार्टनरमा ई नेप्लिज डट कम र वल्र्ड वाईड प्रोडक्सन मिडिया तथा टेलिभिजन पार्टनरमा प्राईम टेलिभिजन रहेको थियो भने ट्राभल पार्टनरमा कान्तिपूर होलीडेज रहेको थियो ।
ट्रिनिटि मार्केटिङ नेपालमा मनाईने विभिन्न चाडपर्व र सांष्कृतिक कार्यक्रमहरुको जर्गेना गर्दै आएको छ ।
नेपाली संष्कृतिलाई बढ्दो प्रविधिको प्रयोग र पश्चिमा संष्कृतिले ढपक्कै ढाकेको अवस्थामा ट्रिनिटि मार्केटिङले नेपाली परम्परा र संष्कृतिलाई संरक्षण गर्दै आएको छ ।
मौलिक संष्कृति र रितिरिवाज नेपालका सम्पत्ति भएकोले त्यस्ता सम्पत्तिको जर्गेना गर्नु ट्रिनिटि मार्केटिङको मुख्य उद्देश्य रहेको आयोजक सावित्री ढुङ्गानाले बताइन् ।
कार्यक्रममा प्रमुख अतिथि नेपाल सरकारका खानेपानी मन्त्री माननीय प्रदीप यादव, नेकपा एमालेका बागमती प्रदेश सचिव नवराज सिलवाल, निभियाका कन्ट्री सेल्स डेभलपमेन्ट म्यानेजर विकासकुमार शर्मा, प्राध्यापक डा. शान्तिकृष्ण अधिकारी, किवानिज ईन्टरनेशनल बोर्डका ट्रष्टी मोहन लम्साल, पुनम ब्युटी एकाडेमी की पुनम श्रेष्ठ लगायतको सहभागिता रहेको थियो ।
कार्यक्रममा प्रमुख अतिथि र अन्य अतिथिले तीजको शुभकामना दिंदै केहीबेर नाचेर रमाइलो गरेका थिए ।
प्रमुख प्रायोजक निभियाले नेपाली चाडबाड लगायत बिभिन्न सामाजिक क्षेत्रमा आथिक सहयोग गर्दै आएको छ ।