काठमाण्डू, रुसी सेनामा कार्यरत थप चार नेपालीको मृत्यु भएको छ ।
परराष्ट्र मन्त्रालय स्रोतकाअनुसार मृत्यु हुनेमा विमल लिम्बू, विक्रम चौधरी, डोमबहादुर आले र सुवास थापा छन् ।
यससँगै रुसी सेनामा मृत्यु हुने नेपालीहरूको संख्या ४० पुगेको छ । यो भदौ १४ सम्मको तथ्यांक हो ।
मृत्यु हुनेहरुको ठेगाना खुलिसकेको छैन । सम्बन्धित निकायहरुसँग सोधपुछ गरेर ठेगाना पत्ता लगाउने प्रयास भइरहेको परराष्ट्र स्रोतले बतायो ।
सन् २०२२ फेब्रुअरी २४ का दिन रुसले युक्रेनमाथि आक्रमण गरेपछि सुरु भएको युद्धमा रुसले गैरकानुनी रूपमा नेपालीलाई भर्ती गरिरहेको छ ।