दोहा । इरानमाथि भएको सैन्य आक्रमणसँग सम्बन्धित घटनामा कतारमा थप ८ जना घाइते भएका छन्। यससँगै आक्रमण सुरु भएदेखि घाइते हुनेहरूको कुल संख्या १६ पुगेको कतारको आन्तरिक मन्त्रालयले पुष्टि गरेको छ।
मन्त्रालयका अनुसार, आक्रमणका कारण कतारका विभिन्न क्षेत्रमा सिमित भौतिक क्षति पनि भएको छ। यद्यपि, क्षतिको विस्तृत विवरण अहिलेसम्म सार्वजनिक गरिएको छैन।
कतारमा रहेका नागरिक र विदेशी श्रमिकहरूलाई आक्रमणको जोखिम र सम्भावित असुरक्षालाई दृष्टिगत गर्दै सतर्क रहन भनिएको छ। आन्तरिक मन्त्रालयले सुरक्षा सल्लाहको पालना गर्न र कुनै अफवाह वा अप्रमाणित समाचारमा विश्वास नगर्न समेत अनुरोध गरेको छ।
यो घटनाले पश्चिम एसियामा बढ्दो तनावलाई संकेत गर्दै कतारजस्ता देशमा सुरक्षा व्यवस्थामा विशेष सतर्कता आवश्यक भएको देखाएको छ। आक्रमणसँग सम्बन्धित जानकारी र अपडेटहरूको लागि स्थानीय प्रशासन र आधिकारिक निकायसँग नियमित सम्पर्क कायम राख्न दूतावास र मन्त्रालयले सुझाएको छ।
