काठमाडौँ, फागुन १५ (२०८२): राष्ट्रिय स्वतन्त्र पार्टी (रास्वपा) का वरिष्ठ नेता तथा प्रधानमन्त्रीका दाबेदार बालेन्द्र शाह (बालेन) बिहीबार साँझ कमलपोखरीस्थित असिम शाह र आसिफ शाहको निवासमा पुग्नुभएको छ। रमजानको पवित्र महिना चलिरहेका बेला उहाँ मुस्लिम समुदायको विशेष रोजा तोड्ने विधि ‘इफ्तार’ मा सहभागी हुन त्यहाँ पुग्नुभएको हो।
चुनावी व्यस्तताका बीच नेता शाहले सामाजिक सद्भाव र सांस्कृतिक एकतालाई महत्त्व दिँदै शाह दाजुभाइको निवासमा इफ्तार ग्रहण गर्नुभएको हो। झापा निर्वाचन क्षेत्र नम्बर ५ मा चुनावी अभियानमा सक्रिय रहेका बालेनको यो उपस्थिति र सद्भावलाई अर्थपूर्ण रूपमा हेरिएको छ।