काठमाण्डू, अन्तर्राष्ट्रिय बजारमा सुनको मूल्य हालसम्मकै उच्च कायम भएको छ ।
आजको कारोबारमा सुनको मूल्य ३.७४ प्रतिशत अर्थात १७४ डलरले बढेको छ ।
यो समाचार तयार पार्दासम्म सुनको कारोबार प्रतिऔंस ४ हजार ८५३ डलरमा कारोबार भईरहेको छ ।
सुनको मूल्यले ४ हजार ८ सयको आँकडा पार गरेको यो पहिलोपटक हो ।
अमेरिकी राष्ट्रपति डोनाल्ड ट्रम्पले ग्रीनल्याण्डलाई अधिग्रहण गर्ने विरोधमा युरोपेली देशहरुले विरोध गरेसँगै ट्रम्पले भारी ट्यारिफ लगाउने चेतावनी दिएका छन् ।
जसका कारण अनिश्चितता बढ्दा सुनको भाउमा उछाल आएको हो । यस्तै डलर पनि कमजोर भएसँगै सुनको भाउ बढ्न पुगेको छ ।