काठमाण्डू, आगामी फेब्रुअरीमा भारत र श्रीलंकामा आयोजना हुने टी-२० विश्वकपका लागि नेपाली राष्ट्रिय टोलीको घोषणा गरिएको छ।
विश्वकपमा एनपिएलमा उत्कृष्ट प्रदर्शन गरेका शेर मल्ल र बसिर अहमदले टोलीमा मौका पाउँदा कुशल मल्ल र आदिल आलमलाई टिमबाट बाहिर राखिएको छ।
त्यस्तै, टोलीमा रोहित पौडेल कप्तानका रुपमा रहँदा दिपेन्द्रसिंह ऐरी उपकप्तान रहेका छन्।
त्यस्तै, सन्दीप लामिछाने, कुशल भुर्तेल, आसिफ शेख, सन्दीप जोरा, आरिफ शेख, सोमपाल कामी, करण केसी, नन्दन यादव, गुल्सन झा, ललित राजवंशी र लोकेश बम टोलीमा अटाएका छन्।
टी-२० विश्वकपमा नेपालले बंगलादेश, इंग्ल्यान्ड, वेस्टइन्डिज र इटालीसँग प्रतिस्पर्धा गर्दै छ।
सार्वजानिक खेल तालिकाअनुसार नेपालले समूह चरणका आफ्ना सबै खेल मुम्बईस्थित वाङ्खडे मैदानमा खेल्ने छ।
