काठमाण्डू, नेकपा एमालेको महाधिवेशनमा मध्याह्न पौने १२ बजेसम्ममा ३१५ मत खसेको छ ।
मतदानमा खटिएका प्राविधिक राम रिमालका अनुसार मतदान शुरू भएको २ घण्टामा ३१५ प्रतिनिधिले भोट खसालेका हुन् ।
यही रेसियोमा मतदान भए बेलुका ८ बजेसम्म लाग्ने उनले जानकारी दिए ।
एमालेमा वर्तमान अध्यक्ष केपी ओली र वरिष्ठ उपाध्यक्ष ईश्वर पोखरेल नेतृत्वमा आउन प्यानलै बनाएर चुनावी प्रतिस्पर्धामा छन् ।
अध्यक्षमा ओली हावी देखिए पनि महासचिवमा ओली पक्षका शंकर पोखरेल र ईश्वर पक्षका सुरेन्द्र पाण्डेबीच कडा प्रतिस्पर्धा हुने अनुमान गरिएको छ ।
अध्यक्षका प्रत्यासीद्वय ओली र पोखरेल दुवैले मतदान गरिसकेका छन् ।