काठमाण्डू, साताको तेस्रो कारोबार दिन आज सेयरबजार सामान्य अंकले बढेको छ ।
आज नेपाल स्टक एक्सचेञ्च(नेप्से) परिसूचक ०.२८ प्रतिशत अर्थात ७.३९ अंकले बढेर २ हजार ६१४.०७ विन्दूमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०६ प्रतिशतले बढेर ४४७.०५ विन्दूमा पुगेको छ ।
यो दिन नेप्सेमा सूचीकृत मध्ये ३३१ वटा स्क्रिप्टको ८७ लाख ४२ हजार ८४ कित्ता सेयर ३ अर्ब ७५ करोड ५० लाख रुपैयाँभन्दा बढीको कारोबार भएको छ ।
अघिल्लो दिन भने ४ अर्ब ६६ करोड ९५ लाख रुपैयाँभन्दा बढीको कारोबार भएको थियो ।
यो दिन नेप्सेमा सूचीकृत १३ वटा समूह मध्ये ९ वटामा हरियाली छायो भने ४ वटामा रातो पोतियो ।
आज होटल समूह सर्वाधिक अर्थात ०.८८ प्रतिशतले बढ्यो । यस्तै विकास बैंक समूह ०.३१ प्रतिशत, फाइनान्स ०.४०, हाईड्रो ०.८४, लगानी ०.१६, जीवन बीमा ०.८२, उत्पादन तथा प्रशोधन ०.५३, म्युचुअल फण्ड ०.३७ र अन्य ०.३४ प्रतिशतले बढ्यो ।
निर्जीवन बीमा समूह आज सर्वाधिक अर्थात ०.१७ प्रतिशतले घट्यो । बैंकिङ समूह पनि आज ०.१२, लघुवित्त ०.०६ र व्यापार ०.०१ प्रतिशतले घट्यो ।
धेरै कारोबार गर्ने कम्पनीहरु
आज ङादी ग्रुप पावरको सर्वाधिक सेयर कारोबार भयो । आज यो कम्पनीको ३१ करोड ९२ लाख बढीको सेयर कारोबार भयो ।
यस्तै लक्ष्मी सनराइज बैंकको ११ करोड १४ लाख, राधी विद्युत कम्पनीको ९ करोड ९१ लाख, युनिभर्सल पावर कम्पनीको ८ करोड ६४ लाख र हिमालयन रि इन्स्योरेन्सको ८ करोड २८ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ३ वटा कम्पनीको सेयरमूल्यमा अपर सर्किट लाग्यो । आज स्वस्तिक लघुवित्त, माथिल्लो मैलुङखोला जलविद्युत र श्रीनगर एग्रोटेकको सेयरमूल्यमा अपर सर्किट लाग्यो ।
यस्तै स्वेत गंगा हाईड्रोपावरको सेयरमूल्य ८.७६ प्रतिशत, सुपर मादी हाईड्रोपावरको ८.१० र भिजन लुम्बिनी उर्जाको सेयरमूल्य ७.२५ प्रतिशतले बढ्यो ।
यो दिन हिम स्टार उर्जा कम्पनीको सेयरमूल्य सर्वाधिक अर्थात ३.८८ प्रतिशतले घट्यो ।
मिथिला लघुवित्तको सेयरमूल्य पनि आज ३.४६ प्रतिशत र कालिका लघुवित्तको ३.३२ प्रतिशतले घट्यो ।