विराटनगर, विराटनगरमा आज नेपाली कम्युनिष्ट पार्टी (नेकपा)ले ‘एकता सन्देश सभा’ आयोजना गर्दैछ।
सातै प्रदेशमा एकताको सन्देश पुर्याउने अभियानअन्तर्गत कोशी प्रदेशमा यो सभा तय गरिएको हो।
जनआन्दोलन चोकको उत्तरतर्फ रहेको पुरानो गुद्रीको खुला मैदानमा दिउँसो १२ बजेदेखि सभा शुरु हुने नेकपाका स्थानीय नेताहरूले बताएका छन्।
उनीहरूले करिब १० हजार समर्थक सहभागी हुने दाबी गरेका छन्।
सभामा नेकपा संयोजक तथा पूर्वप्रधानमन्त्री पुष्पकमल दाहाल, सह–संयोजक माधवकुमार नेपाल, वरिष्ठ नेता झलनाथ खनाल, भीम रावललगायत शीर्ष नेताहरूले सम्बोधन गर्ने कार्यक्रम छ।
यसअघि नेकपाले सुदूरपश्चिमको धनगढी, लुम्बिनीको लमही, र गण्डकीको पोखरामा सभा सम्पन्न गरिसकेको छ।
कर्णाली प्रदेशस्तरीय सभा भने सुर्खेतको वीरेन्द्रनगरमा मंसिर १८ गते हुने भनिएकोमा स्थगित भइ अब मंसिर २७ गते हुने भएको छ।