काठमाण्डू, अब संयुक्त अरब इमिरेट्स (यूएई) मा भिजिट र श्रम भिषामा जाने नेपाली नागरिकले अनिवार्य रूपमा प्रहरी रिपोर्ट पेश गर्नु पर्ने भएको छ ।
यूएईले नेपाली नागरिकका लागि अनिवार्य रुपमा प्रहरी रिपोर्ट पेश गर्नुपर्ने नियम लागू गरेको हो ।
काठमाण्डौस्थित यूएई दूतावासका अनुसार नेपाली नागरिकले भिषा आवेदन दिन नेपाल प्रहरीले जारी गरेको रिपोर्ट अनिवार्य रूपमा पेश गर्नुपर्नेछ ।
यस्तै दूतावासले नेपालीका लागि सबै प्रकारका भिषा खुल्ला गरिएको बताएको छ ।
यूएईले भदौ २४ गतेको हिंसात्मक प्रदर्शनपछि भिजिट र वर्किङ भिषा रोक गरेको थियो।
उक्त घटनामा जेलबाट कैदीहरू फरार भएपछि सरकारले अस्थायी रूपमा नेपालीहरूका लागि भिषा नदिने निर्णय गरेको थियो।
जसका कारण यूएई सरकारबाट वर्क परमिट जारी गरिएका करिब ५ हजार नेपाली श्रमिक यूएई जानबाट बञ्चित भएका छन् ।
नेपालका लागि यूएई प्रमुख वैदेशिक रोजगारी गन्तव्य हो।