वारा, नेकपा एमालेका महासचिव शंकर पोखरेल र नेता महेश बस्नेतको विरोध गर्न सिमरा विमानस्थलमा भेला भएका जेनजी र प्रहरीबीच विवाद भएको छ ।
मधेश प्रदेश स्तरीय युवा जागरण अभियान कार्यक्रममा सहभागी हुन महासचिव पोखरेल र बस्नेत बारा जान लागेका बेला जेनजीका नाममा विरोध गरेपछि विमानस्थलमै विवाद भएको हो ।
जेनजीका समूहले पोखरेल र बस्नेतलाई आउन नदिने भन्दै विमानस्थल घेर्न खोजेपछि प्रहरीसँग झडप भएको हो ।
अहिले विमानस्थलको सुरक्षामा ठूलो संख्यामा प्रहरी खटाइएको छ ।
सिमरामा विरोध भएपछि पोखरेल र बस्नेत भने काठमाडौंबाट उड्न नै पाएनन् ।
