काठमाण्डू, नेपाल प्रिमियर लिग (एनपीएल) को दोस्रो संस्करणको उद्घाटन खेल फ्लडलाइटमा हुने भएको छ।
आज प्रकाशिक गरिएको खेल तालिकामा साविक विजेता जनकपुर बोल्ट्स र काठमान्डु गोर्खाजबीच पहिलो खेल आगामी सोमबार दिउँसो ४ बजे शुरु हुनेछ।
सार्वजनिक गरिएको ड्रमा १ मंसिर अर्थात १७ नोभेम्बरमा एक मात्र खेल हुनेछ। त्यसपछि दोस्रो दिन दुई खेल हुँदा त्यसपछि तीन दिन लगातार एक–एक मात्र खेल हुनेछ।
प्रतियोगिताको पहिलो क्वालिफायर डिसेम्बर ९ अर्थात २३ मंसिरमा हुँदा २४ मंसिरमा एलिमिनेटर चरणको खेल हुनेछ।
दोस्रो क्वालिफायर ११ डिसेम्बर अर्थात २५ गते हुनेछ। प्रतियोगताको फाइनल मंसिर २७ गते शनिबार हुनेछ।
प्लेअफका सबै खेल फ्लडलाइटमै हुनेछन्। प्रतियोगिताको फाइनल ३:३० बाट शुरु हुँदा अन्य प्लेअफका खेल भने ४ बजे हुने कार्यतालिका रहेको छ।
त्यसअघि समूह चरणका खेल दुई खेलको तालिका हुँदा पहिलो खेल ११:४५ मा शुरु हुनेछ भने अर्को खेल ४ बजे हुने कार्यतालिका रहेको छ।
सबै खेल टियू मैदान कीर्तिपुरमा हुनेछन्।
