एजेन्सी, अफगानी तालिबान सरकारले टर्कीमा भएको वार्ता असफल हुनुको दोष पाकिस्तानलाई दिएको छ ।
इस्तानबुल वार्तामा पाकिस्तानी प्रतिनिधिमण्डलले पाकिस्तानको सुरक्षाको सम्पूर्ण जिम्मेवारी अफगानिस्तानमा सार्ने प्रयास गरेको बताएको छ।
इस्लामिक इमिरेट्सको असल नियत र मध्यस्थकर्ताहरूको सबै प्रयासका बाबजुद पनि पाकिस्तानी प्रतिनिधिमण्डलको गैरजिम्मेवार व्यवहारका कारण वार्ता कुनै निष्कर्षमा पुग्न सकेन ।
अफगान तालिबान सरकारका प्रवक्ता जबिहुल्लाह मुजाहिदद्वारा जारी विज्ञप्तिमा भनिएको छ ।
कसैलाई पनि अफगानिस्तानको भूमि कुनै पनि अन्य देशविरुद्ध प्रयोग गर्न दिइने छैन, न त कुनै पनि देशलाई आफ्नो क्षेत्रबाट अफगानिस्तानको राष्ट्रिय सार्वभौमसत्ता, स्वतन्त्रता र सुरक्षा विरुद्ध कार्यहरू गर्न वा समर्थन गर्न दिइनेछ।
उनले वार्ताको क्रममा पाकिस्तानी पक्षले आफ्नो देशको सुरक्षाको सम्पूर्ण जिम्मेवारी अफगान सरकारमा सार्ने प्रयास गरेको बताए ।
जबकि अफगानिस्तानको सुरक्षा वा शान्तिको लागि कुनै पनि जिम्मेवारी स्वीकार गर्न इच्छुक छैन।
पाकिस्तानका जनता अफगान जनताका दाजुभाइ हुन् । अफगानिस्तानले उनीहरूको कल्याण र शान्तिको लागि प्रार्थना गर्दछ र आफ्नो क्षमता र जिम्मेवारीले भ्याएसम्म उनीहरूसँग सहकार्य गरिरहनेछ, उनले भने ।
अफगान जनताको रक्षा गर्नु अफगान तालिबानको कानुनी र राष्ट्रिय जिम्मेवारी भएको उनले बताए ।
कुनै पनि आक्रमणको पूर्ण शक्तिका साथ सामना गरिने उनले चेतावनी दिए ।
पाकिस्तान र अफगानिस्तान बीचको तेस्रो चरणको शान्ति वार्ता शनिबार कुनै सम्झौताबिना नै समाप्त भएको थियो ।
वार्ता असफल भएकोमा दुवै देशले एकअर्कालाई दोष दिएका छन् ।
कतार र टर्कियाको मध्यस्थतामा इस्तानबुलमा भएको दुई दिने वार्तामा अफगान सरकारले पाकिस्तानले गैरजिम्मेवार अडान अपनाएको आरोप लगायो।
अक्टोबर ९ मा शुरू भएको द्वन्द्वपछि, दुवै पक्षले अक्टोबर १९ मा कतारमा युद्धविराममा हस्ताक्षर गरेका थिए ।
अक्टोबर २५ देखि ३० सम्म टर्किएमा भएको आतंकवाद विरोधी दोस्रो चरणको वार्ता कुनै सम्झौता बिना नै समाप्त भयो। यद्यपि, युद्धविराम कायमै छ।