काठमाडौं, प्रमुख प्रतिपक्ष दल नेपाली कांग्रेसको संसदीय दल कार्यसमिति र संसदीय दलको बैठक आज बस्दै छ ।
कांग्रेसले दिउँसो १ बजे संसदीय दल कार्यसमिति तथा २ बजे कार्यसमितिको बैठक बोलाएको हो ।
नयाँ बानेश्वरस्थित संघीय संसद् भवनको ल्होत्से हलमा बस्ने बैठकमा विकसित पछिल्लो राजनीतिक घटनाक्रममा छलफल हुने कांग्रेसका प्रमुख सचेतक रमेश लेखकले जानकारी दिए ।
सहकारी अपचलनमा उपप्रधान तथा गृहमन्त्री रवि लामिछानेको संलग्नता देखिएको भन्दै संसदीय छानबिनको माग राख्दै कांग्रेसले लामो समयदेखि संसद अवरुद्ध गर्दै आएको छ ।
संसदको गतिरोध अन्त्यका लागि प्रधानमन्त्री पुष्पकमल दाहाल प्रचण्डले आइतबार कांग्रेस नेताहरूसँग छलफल गरेका थिए । तर, उक्त छलफलमा सहमति जुट्न सकेन ।
कांग्रेसले आजको संसदीय दलको बैठकमा आउँदो संसद् बैठकमा कसरी प्रस्तुत हुने भन्नेबारे पनि छलफल गर्ने कार्यसूची छ । संसदको आगामी बैठक मंगलबार ९भोलि० बोलाइएको छ ।