एजेन्सी, अमेरिकी राष्ट्रपति डोनाल्ड ट्रम्प र अस्ट्रेलियाका प्रधानमन्त्री एन्थोनी अल्बानीजले द्विपक्षीय बैठकपछि महत्त्वपूर्ण खनिज सम्झौतामा हस्ताक्षर गरेका छन् ।
सोमबार ह्वाइट हाउसमा भएको यो सम्झौताको आकार साढे ८ अर्ब डलर रहेको छ ।
यसले अमेरिकालाई अस्ट्रेलियाको दुर्लभ पृथ्वी खनिजहरूमा बढी पहुँच दिनेछ ।
चीनले आफ्नो दुर्लभ खनिजको निर्यातमा कडा नियन्त्रण लगाएकै समयमा यो सम्झौता भएको हो ।
यो नीतिले चीन र अमेरिका बिच तनाव बढाउने अपेक्षा गरिएको छ ।
अस्ट्रेलियासँगको सम्झौता पछि, ट्रम्पले भने, ‘लगभग एक वर्षमा, हामीसँग यति धेरै महत्त्वपूर्ण खनिजहरू हुनेछन् कि हामीलाई के गर्ने भनेर थाहा हुनेछैन ।
तिनीहरूको मूल्य केवल दुई डलर हुनेछ ।’ अस्ट्रेलियासँगको यो सम्झौता महिनौँको वार्ता पछि भएको बताइएको छ ।
सम्झौताले अमेरिका–अस्ट्रेलिया सम्बन्धलाई नयाँ उचाइमा पुर्याउने प्रधानमन्त्री अल्बानीजले भने ।
यो सम्झौताले आर्थिक र रणनीतिक दुवै मोर्चामा अमेरिका–अस्ट्रेलियाको साझेदारीलाई बलियो बनाउने बताइएको छ ।
यसको उद्देश्य चीनको बढ्दो प्रभावलाई सीमित गर्नु मानिएको छ ।