काठमाडौं, प्रधानमन्त्री कप राष्ट्रिय क्रिकेट प्रतियोगितामा आज पनि तीनवटा खेल हुँदैछन् ।
त्रिवि मैदानमा विहान सवा ९ बजे कोशी प्रदेश र नेपाल पुलिस क्लब भिड्दै छन् । त्यस्तै सवा ९ बजे नै मूलपानी क्रिक्रेट मैदानमा बाग्मती र मधेस प्रदेश खेल्दै छन् ।
रुपन्देहीको भैरहवामा विहान ९ बजे कर्णाली र सुदूरपश्चिम खेल्दै छन् । हिजो भएका तीन वटा खेलमा एपीएफ, आर्मी र सुदूरपश्चिम विजयी भएका थिए ।
प्रतियोगितामा एपीएफ लगातार दोस्रो खेल जित्दै ४ अंकसहित तालिकाको शीर्ष स्थानमा छ । आर्मी २ अङ्कसहित तालिकाको दोस्रो स्थानमा छ ।
सुदूरपश्चिम २ अङ्कसहित तालिकाको तेस्रो स्थानमा छ ।