काठमाण्डू, यही चैत्र १५ गते भएको राजावादी आन्दोलनको क्रममा ज्यान गुमाएका सविन महर्जनको शव आफन्तले बुझेका छन् ।
कीर्तिपुर–४का निवासी महर्जनको राजावादीको हिंसात्मक प्रदर्शनमा गोली लागेर मृत्यु भएको थियो ।
यसअघि दोषीलाई कारबाही र उचित क्षतिपूर्तिको माग गर्दै शव लिन परिवारले अस्वीकार गर्दै आएको थियो ।
तर, आज उनको शव त्रिवि शिक्षण अस्पताल महाराजगन्जमा पोस्टमार्टम सकेर परिवारलाई बुझाइएको जनाइएको छ ।
उनको आजै पशुपति आर्यघाटमा अन्त्येष्टि गरिने उनका सहयोगी राजेन्द्र बानियाँले जानकारी दिएका छन् ।
