एजेन्सी, मुम्बई इण्डियन्सले यस सिजनको इन्डियन प्रिमियर लिगमा पहिलो जीत हासिल गरेको छ ।
सोमबार घरेलु मैदानमा भएको खेलमा पाहुना टोली कोलकाता नाइट राइडर्सलाई १ सय १६ रनमा समेटेर मुम्बईले ८ विकेटको जीत निकालेको हो ।
मुम्बईलाई जीत दिलाउन रायन रिकलटनले नटआउट हुँदैं ४१ बलमा ६२ रन बनाएका थिए । सूर्य कुमार यादव २७ रनमा नटआउट रहे ।
कोलकाताका एन्ड्रे रसेलले दुबै विकेट लिएका थिए । यसअघि मुम्बईले दुबै खेल हारेको थियो ।
यसअघि मुम्बईको वान्खडेमा टस हारेर ब्याटिङको निम्तो पाएको कोलकाता १६।२ ओभरमा १ सय १६ रन बनाउँदै अलआउट भयो ।
कोलकाताका लागि अंगकृष्ण रघुवंशीले सर्वाधिक २६ रन जोडे । कोलकाताको ब्याटिङ ध्वस्त बनाउने क्रममा डेब्यु गरेका अश्विनी कुमारले ३ ओभरमा २४ रन खर्चिएर ४ विकेट लिएका थिए ।
यो कोलकाताको तीन खेलमा दोस्रो हार थियो ।
