काठमाण्डू, अचल सम्पत्तिको कारोबार गर्दै आएका रियल्टर जितमान बस्नेतलाई अमेरीकी रियल स्टेट कम्पनी युनाइटेड रियल इस्टेटले इलाइट अवार्डबाट सम्मान गरेको छ ।
युनाइटेड रियल स्टेटले टेक्सासको डयालसमा शनिवार आयोजित पाँच सयभन्दा बढी रियल्टर उपस्थित सम्मेलनमा बस्नेतलाई सम्मान गरेको हो ।
बस्नेत अमेरिकाभरिकै २५ हजार रियल्टरमध्येबाट छनौटमा परेका थिए । सम्मान प्राप्त गरेपछि बस्नेतले भने, ‘‘यो निरन्तरको मेहनत र सबैको सहयोगकै कारण यहाँ पुगेको हुँ ।’’
नेपालमा पत्रकार र मानव अधिकारको क्षेत्रमा काम गर्दै आएका बस्नेत हाल अमेरिकामा पूर्णकालीन रियल्टरको रुपमा कार्य गर्दै आएका छन् ।
प्रवासमा नेपाली भाषा, संस्कृतिको जगेर्नामा लाग्दै आएका बस्नेतलाई यसै वर्ष हिमालयन कम्युनिटि नर्थक्यारोलिनाले पनि सम्मान गरेको छ ।
उनी विगत ३ वर्ष देखि नेपालमा मेची महाकाली सेतो छडी अभियानमा जुट्दै आएका छन् ।
दृष्टि गुमाएका र कान नसुन्नेहरुलाई सहयोग गर्ने उद्देश्य अनुसार नर्थ क्यारोलिना निवासी कर्मा शेर्पा गोलेसँग मिलेर यो अभियान शुरु गरेका हुन् ।