काठमाडौँ। नेपाली कांग्रेसका सभापति गगन थापाले प्रतिनिधिसभा निर्वाचनपछि आगामी ५ वर्षमा गर्ने कामबारे सबै दलसँग खुला बहस गर्न तयार रहेको बताएका छन्।
थापाले नेकपा एमाले र नेपाली कम्युनिस्ट पार्टीलाई बहसका लागि निम्ता दिएका थिए, तर ती पार्टीहरू तयार भएनन्। उनले कांग्रेसलाई ०८२ देखि ०८७ सम्मको कार्यकालमा मुलुकमा स्वर्णिम कालको सुरुवात गर्ने अवसर दिन आग्रह गरेका छन्।
कर्णालीको सुर्खेतमा बिहीबार आयोजित पार्टीको चुनावी सभामा सभापति थापाले भने, ‘मुलुकको विकासबारे एउटै मञ्चमा उभिएर कुरा गरौँ। म नेकपा एमाले र नेपाली कम्युनिस्ट पार्टीलाई प्रस्ताव गर्छु,’ तर उनले थपे कि, ‘उनीहरू तयार हुनुभएन।’
थापाले कांग्रेसले तय गरेको लक्ष्यलाई मौका दिइएमा पूर्णरूपमा पूरा गर्ने दाबी पनि गरेका छन्।
