काठमाण्डू, पछिल्लो समय अलग-अलग राजनीतिक बाटोमा रहेका दुई दक्षिणपन्थी शक्ति राष्ट्रिय प्रजातन्त्र पार्टी (राप्रपा) र राष्ट्रिय प्रजातन्त्र पार्टी नेपालबीच पुनः एकता गर्ने सहमति भएको छ।
एकताका लागि राप्रपाका अध्यक्ष राजेन्द्र लिङ्देन र राप्रपा नेपालका अध्यक्ष कमल थापाले सहमति पत्रमा हस्ताक्षर गरेका छन्।
पार्टी एकताको औपचारिक घोषणा आगामी पुस १६ गते गरिनेछ। सो घोषणा सभा काठमाडौंको राष्ट्रियसभा गृहमा आयोजना गरिने तय भएको छ।
