जनकपुर, मधेश प्रदेशमा सरकार गठनका विषयमा दलहरूवीच लामो छलफलपछि अन्ततः सहमति बनेपछि मुख्यमन्त्री कृष्ण यादवले आज शपथ ग्रहण गर्ने भएका छन् ।
शनिबार राति अबेरसम्म चलेको बैठकले मन्त्रालयहरूको भागवण्डामाथि टुंगो लगाएसँगै नयाँ सरकार गठनको बाटो खुलेको हो ।
सहमति अनुसार जसपा नेपालले सभामुखसहित तीन मन्त्रालय पाउनेछ। त्यस्तै, नेकपा एससहित समाहित नेपाली कम्युनिष्ट पार्टी (नेकपा) ले पनि तीन मन्त्रालय प्राप्त गर्ने भएको छ ।
मुख्यमन्त्री कृष्ण यादवको नेतृत्वमा रहेको नेपाली कांग्रेसले दुई मन्त्रालय नेतृत्व गर्नेछ । यस्तै, जनमत पार्टीले पनि दुई मन्त्रालय पाउने सहमति भएको छ ।
मुख्यमन्त्रीमा विश्वासको मत नपाएको अवस्थामा रहेका लोसपा नेपाललाई समेत दुई मन्त्रालय प्रदान गर्ने निर्णय बैठकले गरेको छ ।
