धनगढी, कैलालीको धनगढी आइपुगेका एमाले नेता महेश बस्नेतको विरोधमा उत्रिएका जेनजी समूहका यूवाहरू र यूवा संघका कार्यकर्ताबीच झडप भएको छ।
यूवा संघको सुदूरपश्चिमस्तरीय भेलामा सहभागी हुन बुधबार धनगढी आइपुगेका बस्नेको विरोध गर्दै करिब २० जनाको संख्यामा जेनजी युवाहरू धनगढी विमानस्थलमा विरोध प्रदर्शन गरेका थिए।
उनीहरू गुण्डूको गुण्डा गो ब्याक, जेनजीको रगतमाथि खेलवाड गर्न पाइँदैनजस्ता नारा लेखेर प्ले कार्ड सहित सडकमा शान्तिपूर्ण बिरोध प्रदर्शन गरेका थिए।
प्रदर्शनकाक्रममा युवा संघका कार्यक्रताहरू आएर उनीहरूमाथि हातपातको प्रयास गरेका थिए। प्रहरी घेराभित्र प्रदर्शन गरेका जेनजी यूवाहरूमाथि आक्रमण प्रयास भएपछि उनीहरू भागेका थिए।
भाग्नेक्रममा जेनजी समूहकी सरिता जोशीको हात भाँचिएको छ। उनको धनगढी स्थित निसर्ग हस्पिटलमा उपचार भइरहेको छ।
बस्नेतको सुरक्षा र जेनजीको बिरोध प्रदर्शनलाई ध्यानमा राखी सडकमा नेपाल प्रहरी र सशस्त्र प्रहरी परिचालन गरेको छ।
बस्नेतलाई कार्यक्रम स्थल लगिएको छ। यसअघि बस्नेत सुर्खेत, विराटनगर जाँदा पनि जनेजी समूहले विरोध प्रदर्शन गरेका थिए।
२३ र २४ भदौको जेनजी आन्दोलनलाई एमालेका अध्यक्ष केपी ओली, बस्नेत लगायत नेताहरूले समान्यीकरण गर्न खोजेपछि उनीहरूमाथि विरोध हुँदै आएको छ।