काठमाण्डू, सोमबार प्रधानमन्त्रीसँग ज्ञापनपत्र बुझ्न भेट नपाएपछि गेटमै टाँसेर फर्किएको जेनजी अभियन्ता मिराज ढुंगाना नेतृत्वको जेनजी समूह आज पुनः प्रधानमन्त्री भेटका लागि सिंहदरबार पुगेको छ।
टोली दिउँसो १२ बजे सिंहदरबार पुगेको भएपनि सुरक्षा व्यवस्थापकहरूले उनीहरूलाई भित्र जान अनुमति नदिएका कारण टोली बाहिरमै रोकिएको जेनजी समूहले जनाएको छ।
सो क्षेत्रमा बाक्लो संख्यामा नेपाल प्रहरी र नेपाली सेना तैनाथ छ।
हिजो पनि प्रधानमन्त्री शुसीला कार्कीलाई माग पत्र बुझाउन जाने क्रममा प्रवेश नपाएपछि सिंहदरबारको दक्षिण गेटमा माग पत्र टाँसेर ढुंगाना नेतृत्वको जेनजी समूह बाहिरिएको थियो।