काठमाडौं, बलात्कार गरेको अभियोगमा दोषी ठहर भएका क्रिकेटर सन्दीप लामिछानेको सजाय आज तोकिने भएको छ ।
गत पुस १३ गते जिल्ला अदालत काठमाडौंबाट दोषी ठहर गरिएका लामिछानेको सजाय तोक्नलाई आज पेसी तोकिएको हो ।
फौजदारी कसुर सजाय निर्धारण तथा कार्यान्वयन ऐनको व्यवस्थाका आधारमा सजाय तोक्नका लागि १३ गतेनै आजको लागि पेसी तोकिएको थियो ।
पीडितको नाजुक आर्थिक अवस्थाको फाइदा उठाएर उनले बलात्कार गरेको अदालतको ठहर छ ।
कानूनी प्रावधान अनुसार, लामिछानेलाई ७ देखि १० वर्षसम्मको कैद हुन सक्ने देखिएको छ ।
मुलुकी अपराध संहितामा १८ वर्ष वा सो भन्दा बढी उमेरकी महिला पीडित भए ७ देखि १० वर्षसम्म कैद हुन व्यवस्था छ ।
